Huzoor TajushShari’ah Arbaab-e-ilm Ki Nazar Mein


(1) Huzoor Mufti-e-Azam Aalam-e-Islam 

 “AKHTAR MIYAN Ab Ghar Mein Baithne Ka Waqt Nahi, Yeh Log Jinki Bheed Lagi Huee Hai Kabhi Sukoon Se Baithne Nahi Dete, Ab Tum Is Kaam Ko Anjam do, Main Tumhare Supurd Kerta Hoon,

Logon se Mukhatib Hoker Mufti-e-Azam Ne Farmaya,

Aap Log Ab Akhtar Miyan Sallamahu Se Ruju Kiya Karein Unhe Mera Qayem Maqam Aur JaNasheeen Janein

(Mufti-e-Azam Aur Unke Khulfaa jild1 P152)

2) Huzoor Qutub-e-Madeenah 

Mujhe Mere Murshid Huzoor Aalahazrat Radi Allahu Anhu Se Jo Kuch Mila Un Khanwade Ke Shehzaado Moulana Ibrahim Raza khan Moulana Rehan Raza

Khan Aur Moulana Akhtar Raza Khan ko Ataa Ker Diya (Qutub-e-Madeenah)

3) Huzoor Sayyad-ul-Olma 

Huzoor Sayyad-ul-Olma Mufti Shah Aal-e-Mustafa Barkati Marehrawi AlehiRehmah Ne Huzur TajushShariah Ko Jamee’a Salaasil Ki Ijazat Wa Khilaafat Ataa Farmaai Aur Duaa’n se Nawaza

(Mufti-e-Azam Aur Unke Khulfa =P162)

4) Huzoor Mujahid-e-Millat 

Eik Saheb Ki Walida Huzoor Mujahid-e-Millat Se Mureed Hona Chahi to Aapne Farmaya,

Miyan Sarkar Aalahazrat AlehiRehma Ke Shehzade Hazrat Azhari Miyan Ki Moujoodgi Mein Aisa Kaise Ho Sakta Hain Ke Main Mureed Karoon Unhi Se Mureed Kerwaiye,

Dusari Riwayat Hai Ke Huzur Mujahid-e-Millat ne Farmaya Ke Main Hazrat Azhari Miyan Saheb Ke Samne Se Hoker Kaise Guzar Sakta Hoon

Akheer Kaar Pichhle Darwaze Se Hoker Andar Tashreef Le Gaye Aur Farmaye Ke Koi Tez Aawaz Mein Na Bole Ke Hazrat Azhari Miyan Tashreef Farma Hain Aahista Bolo Shehzade Qayam Farma Hain

( Raawi Hazrat Moulana Abdul Mustafa Hashmati Rudoli Shareef)

5) Qazi Shamsh-ul-Olma 

Eik Din Hum Tamam Talib-e-Ilm Hazrat Qazi Sham-ul-Olma Allama Shamsuddin Razvi Jounpuri Talmeez Huzur SadrusShariah AlehiRehma Ke Dars Mein Moujood The Aur Hazrat Padha Rahe The,

Eik Buzurg Sifat Insaan Tashreef Laaye, Qazi Saheb Ne Khade Hoker Unka Isteqbaal Kiya,

Aane Waale ko Apni Masnad Per Bithaya,

Aur Khud Muwaddab Ho Ker Baith Gaye

Us waqt Talba Ke Zehen-o-Dimagh Mein Kiya Ta’assur Ubhra? usko Main Nahi Bata Sakta,

Albatta Maine Mehsoos Kiya Qazi Saheb Jaisi Shakhsiyat ,,, Allah Allah Unki ilmi Shaan-o-Shoukat Ka Yeh Aalam Tha Ke Bade Bade Unke Saamne Tifl-e-Maktab Maloom Hote The Apne Asaataza Mein Se Kisi Se Main Daryaaft Kiya Ke Yeh Hazrat Koun Hain????

Unhone Farmaya,

” Yeh Azhari Miyan Qibla Hain”

(Moulana SHAMSHAD HUSSAIN RAZVI BADAYOON SHAREEF)

6) Huzoor Ahsan-ul-Olma 

14-15 Novembar 1984 Ko Marehrah Shareef Mein Urs-e-Qasimi Ke Taqreeb Mein Hazrat Ahsan-ul-Olma Moulana Mufti Sayed Hasan Miyan Barkati Sajjada Nasheen khanqah-e-Barkatiya Marehra Shareef Ne Jansheen-e-Mufti-e-Azam Ka Isteqbaal Qayem Maqam Mufti-e-Azam allama Azhari Zindabad Ke Naare Se Kiya Aur Majma-e-Kaseer Mein Olma Wa Mashayekh Aur DanishWaro Ki Moujoodgi Mein JaNasheen-e-Mufti-Azam Ko Yeh Keh Ker

Faqeer Aastana-e-Aaliya Qadriyah Barkatiya Nooriya Ke Sajjada Ki Haisiyat Se Qayem Maqam Mufti-e-Azam Allama Akhtar Raza Khan Saheb Azhari Ko Silsila-e-Qadriya Barkatiya Nooriya Ki Tamam Khilafat Wa Ijazat Se Mazoon Wa Majaz Kerta Hoon,

Poora Majma Sun Le

Tamam Barkati Bhai Sun Lein

Aur Yeh Olma-e-Kiram Jo Urs Mein Moujood Hai Is Baat Ke Gawaah Rahein

( Mufti-e-Azam Or Unke Khulfa P162)

7) Huzoor Mufassir-e-Azam hind 

Dr Abdul Naeem Azeezi Likhte Hain,

Walid Majid Mufassir-e-Azam Hind Ne Apne Farzand Arjmand Ko Qabl-e-Faraghat ilm-e-Aalahazrat Ka JaNasheen Banaya Aur Eik Tehreer Bhi Inaayat Farmaai,

Bawajhe Ilaalat Yeh Tawaqqo Nahi Ke Ab Ziyada Zindagi ho, Zaroorat thi Ke Dusara Qayem Maqam Ho Lihaza Akhtar Raza Sallamahu Ko Qayem Maqam Wa JaNasheen-e-Aalahazrat Bana Diya Gaya Janasheeni Ka Amama Bandha Gaya Aur Ibaa Pehnaai Gayi

(Mahnama Aalahazrat or Mufti-e-Azam Aur Unke Khulfa P163)

8) Sadr-ul-Olma Allama Tehseen Raza Khan 

Al-Humdulillah Ke Hazrat Allama Azhari Miyan Sallamahu Ne Bawajood Gonaagu’n Masroafiyaat Aur Ilaalat-e-Taba iska(Al-Motaqid) Tarjuma Farmaya Ta Ke Uske Fayeda Aam Ho Jaye,

Iska Bil-istiaab Mutala to Main Na Ker Saka Magar Jasta Jasta Jo Maqamaat Meine Dekha Usse Badi Khushi Haasil Huee Ke Bahut Siles Aur Ba Muhawarah Tarjuma Kiya Hai

(Al-Motaqid p38)

9) Shareh Bukhari Mufti Shareef-ul-Haq 

Hazrat Mufti Shareeful Haq Amjadi AlehiRehma Jo Taqreeban 11 Saal Tak Bareily Shareef Mein Huzur Mufti-e-Azam hind Ki Sarparasti Mein Fatawa Likhte Rahe Aur Jinhe Mufti-e-Azam Ki Umr hi Main Nayeb Mufti-e-Azam Kaha Aur Likha Jata Raha Unki Zubani Raqim-us-Sutoor Ne Kai Baar Unka Yeh Ta’assur Suna Ke “Hazrat Mufti-e-Azam hind ko Apni Zindagi Ke Aakhri 25 Saalo Mein Jo Maqbooliyat Wa Her Dil Azeezi Hasil Huee Woh Aap Ke Wisaal Ke Baad Azhari Miyan Ko Badi Tezi Ke Sath Ibtidaai Saalon hi Mein Haasil Ho Gayi Aur Bahut Jald Logon Ke Dilo Mein Azhari Miyan Ne Apni Jagah Banaa Li

( Allama Yaseen Akhtar Misbahi)

10) Allama Arshad-ul-Qadri 

Allah Ta’ala Ne Huzoor Azhari Miyan Ko Zabardast Maqbooliyat Di Hai,

Aisi Maqbooliyat to Dekhne Mein Nahi Aai,

Dekho to Sahi Ke Azhari Miyan Ko Mukhtalif Jagah Progaram Mein Jana Tha Ranchi Airport Per Utre Phir Bazariya Car Fulaa’n Jagah Pahunchna Tha Magar Ranchi Mein Unse Milne Ke Liye Hazaro Mai-Kasho’n Ki Bheed Jama Ho Gayi Thi,

Jab Ke Ranchi Mein Rukna Na Tha,

Sirf Wahaan Se Guzarna Tha,

Magar Aanan Fanan Mein Itne Logon Ka Jama Ho Jana Badi Baat Hai,

Maloom Hota Hai Ke Koi Dusari Makhlooq Logon Ke Kaano Tak Baat Pahuncha Deti Hai,

Aur Aanan Fanan Sub Jama Ho Jaate Hain,

( Raawi Mufti Aabid Hussain Noori)

11) Allama Mohummed Mushahid Raza Khan Hashmati 

Faqeer Haqeer Ne Kitab Banam “Tie Ka Masla”(Musannifa Huzur TajushShariah) BaGhour-O-Khoj Mutala Kiya Apne Dalayel Ke Lihaaz Se Woh Fatwa Kisi Ki Tasdeeq Ka Mohtaj Nahi Fir Bhi Imtishal-e-Amr Ke Liye Faqeer Tasdeeq Kerta Hai

( Tie Ka Malsa)

12) Allama Khawaja Muzaffar Hussain Razvi 

Hazrat TajushShariah Ne In Ahem Mubaahis Ka Siles Urdu Zubaan Mein Aisa Barjasta Tarjuma(Al-Motaqid) Farmaya Hai Ke Tarjuma Hi se mafhoom Waze Ho Jata Hai Uske Bawajood Ja Baja Paicheeda Masayel Ki Aisi Uqda Kashai Ki Hai Ke Be Ikhtiyaar Zubaan se Nikal Padta Hai Ke Yeh Aalahazrat Aur Mufti-e-Azam Ke Faiz Se TajushShariah Hi Ka Khaasa hai

(AlMotaqid =P46)

13) Allama Abdul Hakeem Sharaf Qadri 

huzoor TajushShariah Se Hazrat Ke Rawabit Bahut Gehre The Safar-e-Pakistan Ke Mouqe Per Walid-e-Girami AlehiRehma Se Masayel-e-Shariya Per Sanjeeda Mahoul Mein Guftagu Hua Kerti Thi,

Hazrat Walid-e-Maajid Huzur TajushShraih Ke ilm-o-Fazl Fiqhi Baseerat Aur Hadees Daani Ke Motarif The

(BaRiwayat Doctor Sudedi)

14) Mufti-e-Azam Rajisthan 

Allah Rabbul Izzat Ne Hazrat Allama Mufti Akhtar Raza Qadri Azhari Madazillahul Aali Ko BeShumar Fazayel Aur Manaqib-e-Jaleelah Se Nawaaza hai,

Main aapke Ilm-o-Fazl Hizm-o-Ittiqa Tasneefi Fiqhi Tableeghi Khidmaat Se Bahut Mutaasir Hoon,

Arbi Adab Mein Aap Huzoor Hujjat-ul-Islaam Hazrat Allama AsShah Mufti Hamid Raza Khan Qadri Alehirehma Ke Par-to hain,

Neez Huzur Sayyudna Aalahazrat imam Ahmed Raza Qadri Bareilvi Ka Aap Per Khusoosi Faizan Hai Jiski Waaze Nazar Yeh Hai Ke “Asia Europe” Ki Buland Aahang Chotiyo Per Aap Ki Azmato Ke Parcham Lehra Rahe Hain,

Aur Aap Ki Ilmi Jalaalat Wa Shakhshi Wajaahat Ke Aage Bade Badon Ke Sar Khameeda Nazar aate Hain

( Ma’arif-e-Mufti-e-Azam RajisThan-P383)

15) Musannif Tasaaneef-e-Kaseerah Hazrat Allama Faiz Ahmed Owesi 

Hazrat TajushShariah Ne Al-Motaqid Ka Tarjuma Farmaya Faqeer Ne Sa’adat Samjh Ker Kitab-e-Mazkoor Ka Mutalaa Kiya,

Usse Se Faqeer Ilmi Tor se Khoob Mustafeed Huaa

Faqeer Yaqeen Or Nihayat Wasooq Se Arz Kerta Hai Ke Awaam Ke Liye to Aqayed Ke Muaamilat Mein Bila Shubah Yeh Tarjuma Shareef Rehbar Wa Haadi Hai Lekin Olma e kiram ke Liye Bhi Behtareen Dastawez hai

(Al-Motaqid-P52)

16) Mufti Abdul Lateef Saheb Qibla 

Faqeer Ne Kitab ka Urdu Tarjuma Kahin Kahin Se Mulahiza kiya,

Al-Humdulillah JaNasheen-e-Mufti-e-Azam hind TajushShariah Hazrat Allam Mufti Akhtar Raza Khan Qadri Madazillahul Aali Ne Badi Arq Rezi Se Yeh Tarjuma Farmaya Hai,

Yaqeenan Huzoor TajushShariah Her Hawale se Apne Aaba Wa Ajdaad Ke Sachche JaNasheen Hain,

Allah Ta’ala Unka Sayaa Ahlesunnat Per Daraaz Kare Aameen

(Almotaqid P-66)

17) Hazrat Allama Abdullah Khan Azeezi 

Hazrat Allama Wa Moulana Mufti Akhtar Raza Khan Azhari Saheb Qibla Madazillahul Aalu JaNasheen-e-Huzur Mufti-e-Azam hind AlehiRehma Ke Risla-e-Mubarika Banam “Tie Ka Masla” ke Mutala Ka Sharaf Hasil Hua Huzur Mufti-E-Azam Ka Fatwa Aur Hazrat Musannif Allama Ke Dalayel Wa Baraheen Se Ahqar Ko Inshiraah-e-Sadr Hasil Huaa Ke Tie Ka Istemal Kerna NaJayez Wa Haram Hai Musalmano Ko Aihtaraz Kerna Chahiye

(Tie Ka Masla P41)

18) Moulana Sayed Owes Mustafa Waasti 

Faqeer Qadri Ko JaNasheen-e-Mufti-e-Aazam hind Hazrat Allama Azhari Miyan Saheb Qibla Se Baraha Mulaqat Ka Sharf Hasil Hota Rehta Hai Yeh Mulaqat Wa Raabte Direenah Ta’alluqat Ke Bayes Hain Jo Khanqah-e-Bilgiraam Aur Khanqaah-e-Bareily Mein Hamesha Se Raha Hai,

Mousoof Ko Khaanwada-e-Razviyat Mein Woh Maqam Hasil Hai Ke TajushShariah Aur Qazi-ul-Quzaat Jaise Aala Khitaab se Yaad Kiye Jaate Hain

(Al-Motaqid-P43)

19) Allama AbunNasr Khaleefa-e-Huzoor Qutub-e-Madeenah 

Hazrat Allama Akhtar Raza Khan Saheb Khandan-e-Aalahazrat Ke Fazil Mohaqqiq Hain Jinke Faizan Se Eik Zamana Mustafeed Wa Mustafeez Ho Raha Hai Ab Ahlesunnat Ka Yeh Fareeza Hai Ke Wo Is Kitab Ka Mutala Kar ke Usse Dusaro Tak Pahunchane ki koshish Karein

(Al-Motaqid-P55)

20) Mufti Naeem Akhtar Naqshbandi Lahori 

Huzoor Mufti Akhtar Raza Saheb Ka Ilmi Maqam Ka Kiya Kehna Iss Kitab Ke Baare Mein Sirf Itna Kahunga Ke Yeh Kitab Hazrat Ke Arbi Adab Per Maharat Ki Daleel Hai,

Aur Yeh Kitab Sabit Kerti Hai Ke Aap Waqa’ee JaNasheen-e-Mufti-e-Aazam Hain

(Al-Motaqid-P58)

21)Allama Syed Alvi Maliki 

JaNasheen-e-Mufti-e-Azam Allama Mohummed Akhtar Raza Khan Azhari Qadri Bareilvi Damat Barakatuhumul Qudsiya 1988 Mein Jab Hajj-o-Ziyarat Ke Liye Tashreef Le Gaye to Allama Syed Mohummed Alvi Maliki Ne Apni Tasneef Kerda Kitabein Inayat Farmaai Aur Bahut hi Qadr-o-Manzilat Ke Nazar se Dekha,

imam Ahmed Raza Qadri Bareilvi Ke Pote hone ki Haisiyat e Aur Huzur Mufti-e-Aazam KeJaNasheen Ki Wajeh se Bahut Izzat Afzaai Farmaai Aur Duaaiya Kalimat se Nawaza

(Mufti-e-Azam Or Unke Khulfa p-517)

22) Mahir-E-Razviyat Hazrat Allama Prof Mas’ood Ahmed Mazhari 

Us Imam Ahmed Raza Ke JaNasheen Unke Parpote Allama Akhtar Raza Khan Azhari Hain Bade Muttaqi Aur Aalim-e-Ba-Amal,

1983 mein Pakistan Tashreef Laaye,

Az-Raah-e-Karam Ghareeb Khane Per Bhi Tashreef Laaye,

Eik Arbi Naat Ki Farmaaish ki,

Qalam Bardashta Ussi Waqt Likh Di,

Usse Andaza Hota Hai Ke Arbi Zubaan ne Imam Ahmed Ke Gharane Mein Ghar Ker Rakha Hai Yeh Ussi Gharane Ka Imtiyaaz-e-Khaas Hai

(Ujala-p26)

23) Shaikh Abu Bakar Qadri Kerla 

Samahatul Mufqi Hazrat Allama Shaikh Mufti Mohummed Akhtar Raza Khan Qadri Al-Azhari Saheb Ki Shakhsiyat Aalam-e-Islaam Mein Markazi Haisiyat Rakhti Hai, Aap Imam AhleSunnat Mujaddid-e-Aazam Ki Masnad Ke Sachche JaNasheen Aur Qabil-e-Aitamaad Mufti Hain,

Aap Ne Jamiatur Raza Bareily Shareef Mein Qayem Kerke Ahlesunnat Per Ahsaan-e-Azeem Farmaya,

( Taqreer Urse Razvi)

24) Allama Mohummed Ghufraan Siddiquie America 

Faqeer Haqeer Aaj Aastana-e-Razvia Hazir Hua To Huzur Janasheen-e-Sarkar Mufti-e-Azam Radi Allahu Anhu Sarkar Mufti-e-Azam Ahlesunnat Hazrat Allama Azhari Miyan Saheb Damat BarakatuhumulAali Ne Fatwa Tie Ke Muta’alliq Ataa Farmaya,

Haqeeqat Yeh Hai Ke Hazrat Ne “ENCYLPEDIA GROLIER” ki Asal photo state Copy deker Ahle Islam Per Hujjat Qayem Kerdi Hai Aur Fir Shar’ee Haisiyat Se Jo Hukm Farmaya Hai Woh Aapka hi Hissa Hai,

Moula Ta’ala Ahle Islam Ko Apna Zahir Or Batin Apne Sarkaron Ki Tarah Banane Ki Toufiq Or Himmat Ataa Kare,

(Tie Ka Masla-P36)

25) Mufti Mujeeb Ashraf Razvi 

Hazrat Walaa Martabat JaNasheen-e-Huzoor Mufti-e-Azam hind Hazrat Allama Moulana Akhtar Raza Khan Saheb Qibla Ka Tehqeeqi Jawab Nazar se Guzra, Jo Bila Shubah Haq-o-Sawab Aur Dalayel-e-Shariyya Se Mubrahan Hai

( tie Ka Masla-P42)

26) Allama Badrul Qadri Holand 

holand Ke Andar Silsila-e-Razvia Ki Isha’at Ho Rahi Hai,

Kai Khanwado Ko Bareily Shareef Bhej Ker Dakhil-e-Silsila Karaya Gaya,

Baaz Logon Ne Harmain Tayyiben Ki Sarzameen Per JaNasheen-e-Mufti-e-Azam Hazrat Allama Mufti Akhtar Raza Khan Ke Daman Se Wabastagi Hasil Ki,

Aur Eik Baar Ke Safar-e-Holand Ke Douraan Hazrat JaNasheen-e-Mufti-e-azam Ne “Qadriyat Razviyat” Ke Anwaar Se Iss Khitaa-e-Taareek Ko Khud Rounaq Bakhshi Hai

(Tajdaar-e-Ahlesunnat-p225)

27) Moulana Aal-e-Mustafa 

Asal Kitab Aur Hashiya Ka Siles Urdu Tarjuma Kerke Kitab Ke Ahem Aur Zaroori Mubahis Ko Urdu-Daan Tibqa tak Pahuncha Ker Unke Aqayed Wa Ifkaar Ki Islah Aur Tahaffuz Ka Jo Qabil-e-QadrKarnama Anjaam Diya Gaya, Woh Baja Tour per Qabile Tehseen Wa Qabil-e-Mubarakbad Hai Eik Zuban Ko Dusari Zuban Mein Muntaqil Kerna Woh Bhi Tarjume Ka Usool Ko Pesh-e-Nazar Rakh Ker Eik Mushkil Kaam Hai Khusoosan Jak Ke Ilm-e-Kalam Ki Funny Bareekiyo Aur Mustihaalat Ki Tabeer Eik Ahem Masla Ho,

magar Aise Maqam Per Huzur TajushShariah ne Tarjume Mein Tabeer-o-Tafheem Ka Bhar Poor Lihaaz Wa Khiyaal Farmaya Hai

(Al-Motaqid-P63)

21 Responses to “Huzoor TajushShari’ah Arbaab-e-ilm Ki Nazar Mein”

  1. mohammed zameer razvi Says:

    mashallah bahut bahut shukriya

  2. zahoor Says:

    masha allah…zahoor
    mai azhari miyan se muredi lene kab se wait kar raha hun………….

  3. vasimRaza Says:

    if any brother want be mureed my pero murssed tajushriah then plz visit http://www.jamiaturraza.com go to service and enter qadri silsila write ur name and send after download next week sesioon audio clip from same site confirm ur name ur enter or not

  4. shaikh Habibuddin Rizvi Says:

    mashaallah huzur tajussharia ki baat hi kuch nirali hai..main nachiz unke bare me kya bayan karu.hum to unke talwo ki dhul k bara bar bhi nahi hai fir koi baat likhne ki humme himmat oh zurrat kaha..
    Sarkar Alahazrat zindabad
    Hujur Tajusshariya zindabad

  5. shaikh Habibuddin Rizvi Says:

    ALLAH ka sukr hai kya isne mujh nachiz ko Hujur Tajushshariyah ke mureedon ki ferist me samil kya…
    Alhamdolillaherabbilaalamin.

  6. Ashu khan Says:

    Huzur azhari miya salamat rahe

  7. ismail raza Says:

    Poor noor poor ziya he akhtar raza ka chehra
    Kya noor batta he akhtar raza ka chehra

  8. Sarfaraj Ansari Says:

    Sub han allah

  9. mushahidrazvi Says:

    مرشد گرامی کی نذر میری ایک آزاد نظم

    وارثِ رضوی علوم
    از قلم : محمد حسین مشاہدرضوی
    اے امیرِ کشورِ فُہوم
    اے اخترِ برجِ ولا
    اے وارث ِرضوی علوم
    اے جانشینِ نوری رضا
    آپ انجمِ چرخِ شریعت
    آپ سراپا اتّقا
    آپ نیّرِ بُرجِ طریقت
    آپ رہبرِ راہ ِہدیٰ
    آپ مرکزِ دائرۂ اصول
    آپ منطقۂ آسمانِ فرع
    آپ رونقِ بزمِ سخن
    آپ عندلیبِ چمنِ رضا
    لاریب! ہیں آپ ہی
    اقلیمِ علم وفن کے
    شہنشاہِ عصرِ رواں
    تاج الاسلام والمسلمین
    اے معظّم محترم
    اے مکرّم محتشم
    مُرشدی اختر رضا
    خانوادۂ رضویہ کے
    آپ ہیں روشن چراغ
    جس کی شعاعِ نوری سے
    شبِ ظلمتِ فکرو نظر کو
    ادراک ِنورِ سحر ہوا
    آپ کے دامنِ کرم سے
    وابستگی ہے بے گماں
    وجہ ِسکونِ بے کلی
    وجہ ِنجاتِ سرمدی
    لب پر دعا ہے صبح وشام
    بتوسلِ خیرالوریٰ(ﷺ)
    اہل سنت کے سروں پر
    دائماً قائم رہے
    ظلِّ ہمایوں آپ کا
    ظلِّ ہمایوں آپ کا

  10. SYED TAJAMMUL AHMED RAZVI QADRI Says:

    LEHRAYA PERCHAM E ISLAM KA JHANDA,
    TO KYU NA HO AZHARI MIYA KA CHARCHA

  11. sharib Says:

    khuld ka zaria khuld ka zaria
    tajushshariah tajushshariah

  12. Mohammad zuber raza Says:

    ya khuda charkhe islam par tha abad,
    mera tajusshariya salaamat raahe
    aameen aameen aameen….

  13. Muzaffer husain Says:

    kisi ko khwaish nhi he JANNAT ki?
    muje to bas AZAHRI MIYAN ki NAZARE KARAM HI KAFI hain.
    mere PEER mene apko 2008 me karnatak me dekha tha us din k bad se kabhi muje sharaf nhi mila apko dekhne k liye bahot tadap raha hun mere Aqa.. age apko sab pta he murid k dil ka haal ek peer se betar kon jaan sakta.

  14. Md. Azhar uddin noori Says:

    mai bahut khush hu urse razvi me es baar azhari miya se murid hone ka mauqa faraham huwa.
    Azhar Uddin Bihar Sharif nalanda.

  15. wahid waris Says:

    maslak e alahazrat salamat rahe huzoor tajushshariah salamat rahe ya waris haq. waris

  16. Muhammad aslam Qadri Says:

    Asslamu Alaikum wa Rehmatullahi Taa’la wa Brakatahu

    Alhamdulillah ye Sab mere Rab Ka or uske Habib e pak Sarkar e do Aa’lam Sallallahu Taa’la Alahi Wasallam Ka faiz o Karam hai jo aaj ke Iss dour e purfitan may mera ek Noorani sitara mera Akhtãr Raza pyaara chamak damak Raha hai.

    Moula salamat Rakhe mere Huzur Taajushariya ko. Summa Aameen

    JAZAK ALLAH

  17. Aftab Imam Says:

    .Asslamu Alaikum wa Rehmatullahi Taa’la wa BrakatahuAlhamdulillah ye Sab mere Rab Ka or uske Habib e pak Sarkar e do Aa’lam Sallallahu Taa’la Alahi Wasallam Ka faiz o Karam hai jo aaj ke Iss dour e purfitan may mera ek Noorani sitara mera AkhtãrRaza pyaara chamak damak Raha hai.Moula salamat Rakhe mere Huzur Taajushariya ko. Summa Aameen

  18. aman raza khan Says:

    Subhanallah
    My faqr se kahunga mera peer tajushshariya hai


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: